ايوده بير ايل آه چئكرم خبر يوخ

ايودن چيخام من اويانا يار گئلير

تاي توشلاريم چوله چيخا گون چيخار

من چيخاندا ياغيش گئدسه قار گئلير

يازيغ گوزوم آجليغا دوز داريغما

بو گون صاباح بهار گئلير بار گئلير

بيزه گئله گئلميه بير كال ايده

گونشوموزا هيوا گئلير نار گئلير

خان ايوينه شير گئله قويروق بولار

بيزيم ايوه كور ايت گئله هار گئلير

خلقه قوناق گئلير گوزي سورمئلي

بيزيم ايودن كور گئدمميش كار گئلير

بختيمه آرواد نه چيخا بيلميرم

بلليدي سار ساغا سوسار گئلير

بير اوچ اتك اندازادي اينيمه

ساريس پوري گئن گئلمسه دار گئلير

دولتديه ياس دا گئله اوينيار

بيز كاسيبا توي گئله آخسار گئلير

غم يوكوندن كدخودانين هيسه سي

خردل اولير بيزم كي خلوار گئلير

كئده بيزي دووللر بير هوار يوخ

بيز بير كلمه حق دانيشاق جار گئلير

دار قاشايدلار بيزه سر كار چيخار

دار ديبينن قورتولا سردار گئلير

بوننان بئله اوزگه گوروم اوزگئدن

منت چكير غيرتيمه آر گئلير

ايشچي تويوق كئسنده من باخامام

بيلمم نئجه اورگينن وار گئلير

غمنن منيم بير عينك وار گوزومده

ايشيق آيدين گون گوزومه تار گئلير

عشقيم دوشوب ياديما گوزلر داشار

بهاردا سئللر آشيب چايلار گئلير

چوخ شاعرين شعري دونار بوز كيمين

شهريان شعريده قاينار گئلير