معجز اسفستان
هاچاناکیمی پلازسیز قالاجاق مکانیم عمه
قور یئرده قورخورام من چیخاتا بوجانیم عمه
کسیلیب امانیم عمه باشوا دولانیم عمه
بی بی جان بویئر نه یئردور ؟بئله اهل غربت ایستر
وطن اولمییدی یارب منه کاش بو شبستر
بو خرابه گوشسینده نه لحاف وار نه بستر
نه قاپی آچانیم عمه باشووا دولانیم عمه
بوولایته یئغیلمیش نه قدر کی دربدر وار
هامیسی سفرده یارب نا کاغاز نه بیرخبر وار
نه بابام نه قارداشیم وار بوخرابه ده نه اروار
اولا پاسیبانیم عمه باشووا دولانیم عمه
بوشبستر اهلی یارب نئجه غملی گون کئچیردیر
بویازیقلارا پیاپی غم و قصه زهر ایچیردیر
اوجانلاندا آه و نالم سسی عالمی کوچیردر
هانی بیر یانانیم عمه باشووا دولانیم عمه
&&&&&&&&
&&&&&&&&
علی اکبر طاهرزاده
خان دوستی آماندی قویماگلدی
دیداری یاماندی قویما گلدی
وای وای دییسن بشر دگیل بو
بیر شکله اویان طهر دگیل بو
آللاهی سوورسن ار دگیل بو
اردودی قاباندادی قویما گلدی
دیداری یاماندی قویما گلدی
اول گون کی آداخلادیر اوتاندیم
اوغلاندی دئدوز اریم ایناندیم
ار بئیله اولورمیش ایندی قاندیم
خان دوستی آماندی قویما گلدی
کرداری یاماندی قویما گلدی
قورخدوم آی آمان یاریلدی باغریم
بیرنازیک ایپه ساریلدی باغریم
جانیم اودا یاندی قویما گلدی
کرداری یاماندی قویما گلدی
دودکش کیمی بیر پاپاق باشیندا
آغ توکلری بللیدور قاشیندا
لاپ چوخ قوجادور بابام یاشیندا
خورتداندی چوخاندی قویما گلدی
کرداری یاماندی قویما گلدی
ایگره نمیشم آغزینون سویوندان
قطران قوخوسی گلیر بویندان
لاپ دوغروسی قورخموشام خویندان
بیر افعی ایلاندی قویما گلدی
کرداری یاماندی قویما گلدی
&&&&&
&&&&&
علی واحد
دئدیم ای غنچه دهن کونلومی قان ائیلمیسن
دئدی بیجایئره عشقیمده فغان ائیلمیسن
دئدیم انصاف ائله اینجیتمه منی عاشیقینم
دئدی گئت!سریمی دنیایه عیان ائیلمیسن
دودیم آغلاتمامنی سرو بویون شوقینده
دئدی گوزیاشینی بیهوده روان ائیلمیسن
دئدیم آز چکممیشم گوزلرینین حسرتینی
دئدی اوز گونلونی یئرسیز نگران ائیلمیسن
دئدیم عشقینده اسیرم منه بس خئیری ندور؟
دئدی اولده بوسوداده زیان ائیلمیسن
دئدیم عشق آتشی نئیلر منه قورخان دگیلم
دئدی بیچاره یانارسان نه گمان ائیلمیسن
دئدیم ای گول من ازلدنده گوزل عاشیقیم
دئدی سن روحینی عشق ایله جوان ائیلمیسن
دئدیم هرگون سر کویینده دولانماقدور ایشیم
دئدی واحد نه گوزه ل یئرده مکان ائیلمیسن
&&&&&&&&&&
&&&&&&&&&&
علی واحد:
اوقاره زلف کی هردم دولانیر شانه لره
گوستریر عشق کمندین دل دیوانه لره
مهر رخسارینی مندن کسیب اول ماه تمام
دوشدی فرصت یئنه بوندان بئله بیگانه لره
یوخسا ای گول بوقدر باده ی ناب ایچمزیدیم
شوق لعلین منی جلب ائیلدی مئیخانه لره
قانه دونسون گوروم اول باده ی گلگون سنسیز
بیرده گر رغبت ائدم ساغر و پیمانه لره
حسرت چشم خمارین لب لعلین هوسی
گوستریر گوشه ی مئیخانه نی مستانه لره
جورین آزائت منه قورخوم بودی بیر آه چکم
بیریانار اوددوشه باشدان باشا کاشانه لره
به داد امان جانیم امان ای ای ای ای
واحدم شاعر آزاده پرستم نه غمیم
قیلماسام رغبت اگر مسجده بوتخانه لره
اسفستان و معجز اسفستان